thak gae ho to thakan chhoD ke ja sakte ho

thak ga.e ho to thakan chhoḌ ke jā sakte ho

tum mujhe vāqi'atan chhoḌ ke jā sakte ho

ham daraḳhtoñ ko kahāñ aatā hai hijrat karnā

tum parinde ho vatan chhoḌ ke jā sakte ho

tum se bātoñ meñ kuchh is darja magan hotā huuñ

mujh ko bātoñ meñ magan chhoḌ ke jā sakte ho

jaane vaale se savālāt nahīñ hote miyāñ

tum yahāñ apnā badan chhoḌ ke jā sakte ho

jaanā chāho to kisī vaqt bhī ḳhud se bāhar

apne andar kī ghuTan chhoḌ ke jā sakte ho

thak gae ho to thakan chhoD ke ja sakte ho

tum mujhe waqi'atan chhoD ke ja sakte ho

hum daraKHton ko kahan aata hai hijrat karna

tum parinde ho watan chhoD ke ja sakte ho

tum se baaton mein kuchh is darja magan hota hun

mujh ko baaton mein magan chhoD ke ja sakte ho

jaane wale se sawalat nahin hote miyan

tum yahan apna badan chhoD ke ja sakte ho

jaana chaho to kisi waqt bhi KHud se bahar

apne andar ki ghuTan chhoD ke ja sakte ho