the zamin par na aasman mein the

the zamīñ par na āsmān meñ the

ham duāoñ ke sā.ebān meñ the

guzre lamhāt se chalo pūchheñ

ham kahāñ aur kis jahān meñ the

kis tarah karte ham ġhazal-rānī

ik tavālat bharī takān meñ the

chāhte tum kahīñ se paḌh lete

ham to har ek dāstān meñ the

karte kirdār apnī marzī ke

pyaar ke qisse har zabān meñ the

ishq rusvā.iyoñ se thā mahfūz

āb-pāre jo nūr-dān meñ the

karte kis kis se āshnā.ī ham

is qadar chehre aks-dān meñ the

the zamin par na aasman mein the

hum duaon ke saeban mein the

guzre lamhat se chalo puchhen

hum kahan aur kis jahan mein the

kis tarah karte hum ghazal-rani

ek tawalat bhari takan mein the

chahte tum kahin se paDh lete

hum to har ek dastan mein the

karte kirdar apni marzi ke

pyar ke qisse har zaban mein the

ishq ruswaiyon se tha mahfuz

aab-pare jo nur-dan mein the

karte kis kis se aashnai hum

is qadar chehre aks-dan mein the