thi jawan raat din sunhare the

thī javāñ raat din sunhare the

aur añdhere bhī kitne ujle the

chāhateñ thiiñ na.ī na.ī apnī

dil ke armān bhī navele the

thiiñ ġhunūda sī merī āñkheñ bhī

zulf meñ ḳhushbuoñ ke Dere the

hasrateñ shoḳh titliyoñ jaisī

Dāliyāñ thiiñ ki haath phaile the

dhund kī thiiñ ridā.eñ peḌoñ par

saaf shaffāf bahte jharne the

baañT leñge nasīb ke sukh bhī

ham ne dukh-dard saath jhele the

vo laḌak-pan ke din kahāñ ga.e jo

dil kī vaadī meñ aa ke Thahre the

bad-gumāñ thī dhanak bhī 'tamsīla'

itne rangīn apne sapne the

thi jawan raat din sunhare the

aur andhere bhi kitne ujle the

chahaten thin nai nai apni

dil ke arman bhi nawele the

thin ghunuda si meri aankhen bhi

zulf mein KHushbuon ke Dere the

hasraten shoKH titliyon jaisi

Daliyan thin ki hath phaile the

dhund ki thin ridaen peDon par

saf shaffaf bahte jharne the

banT lenge nasib ke sukh bhi

hum ne dukh-dard sath jhele the

wo laDak-pan ke din kahan gae jo

dil ki wadi mein aa ke Thahre the

bad-guman thi dhanak bhi 'tamsila'

itne rangin apne sapne the