aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

thi titliyon ke taaqub mein zindagi meri

Akhtar Hoshiyarpuri

thi titliyon ke taaqub mein zindagi meri

Akhtar Hoshiyarpuri

MORE BYAkhtar Hoshiyarpuri

    thī titliyoñ ke ta.āqub meñ zindagī merī

    vo shahr kyā huā jis thī har galī merī

    maiñ apnī zaat tashrīh kartā phirtā thā

    na jaane phir kahāñ āvāz kho ga.ī merī

    ye sarguzisht-e-zamāna ye dāstān-e-hayāt

    adhūrī baat meñ bhī rah ga.ī kamī merī

    havā-e-koh-e-nidā ik zarā Thahar ki abhī

    zamāna ġhaur se suntā hai an-kahī merī

    maiñ itne zor se chīḳhā chaTaḳh gayā hai badan

    phir is ke ba.ad kisī ne nahīñ sunī merī

    ye darmiyāñ ḳhalā mirā nahīñ varna

    ye āsmān bhī merā zamīn bhī merī

    kise ḳhabar ki guhar kaise haath aate haiñ

    samundaroñ se bhī gahrī hai ḳhāmushī merī

    koī to aa.e mire paas do ghaḌī baiThe

    ki kar ga.ī mujhe tanhā ḳhud-āgahī merī

    kabhī kabhī to zamāna rahā nigāhoñ meñ

    kabhī kabhī nazar aa.ī na shakl bhī merī

    mujhe ḳhabar hai kahāñ huuñ maiñ kaun huuñ 'aḳhtar'

    ki mere naam se sūrat girī huī merī

    thi titliyon ke taaqub mein zindagi meri

    wo shahr kya hua jis ki thi har gali meri

    main apni zat ki tashrih karta phirta tha

    na jaane phir kahan aawaz kho gai meri

    ye sarguzisht-e-zamana ye dastan-e-hayat

    adhuri baat mein bhi rah gai kami meri

    hawa-e-koh-e-nida ek zara Thahar ki abhi

    zamana ghaur se sunta hai an-kahi meri

    main itne zor se chiKHa chaTaKH gaya hai badan

    phir is ke baad kisi ne nahin suni meri

    ye darmiyan ka KHala hi mera nahin warna

    ye aasman bhi mera zamin bhi meri

    kise KHabar ki guhar kaise hath aate hain

    samundaron se bhi gahri hai KHamushi meri

    koi to aae mere pas do ghaDi baiThe

    ki kar gai mujhe tanha KHud-agahi meri

    kabhi kabhi to zamana raha nigahon mein

    kabhi kabhi nazar aai na shakl bhi meri

    mujhe KHabar hai kahan hun main kaun hun 'aKHtar'

    ki mere nam se surat giri hui meri

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now