thi wasl mein bhi fikr-e-judai tamam shab

Momin Khan Momin

thi wasl mein bhi fikr-e-judai tamam shab

Momin Khan Momin

MORE BYMomin Khan Momin

    thī vasl meñ bhī fikr-e-judā.ī tamām shab

    vo aa.e to bhī niiñd na aa.ī tamām shab

    vaañ ta.ana tīr-e-yār yahāñ shikva zaḳhm-rez

    bāham thī kis maze laḌā.ī tamām shab

    rañgīñ haiñ ḳhūn-e-sar se vo haath āj-kal rahe

    jis haath meñ vo dast-e-hinā.ī tamām shab

    taalū se yaañ zabān sahar tak nahīñ lagī

    thā kis ko shuġhl-e-naġhma-e-sarā.ī tamām shab

    yak baar dekhte mujhe ġhash jo aa gayā

    bhūle the vo bhī hosh-ruhā.ī tamām shab

    mar jaate kyuuñ na sub.h ke hote hijr meñ

    taklīf kaisī kaisī uThā.ī tamām shab

    garm-e-javāb-e-shikva-e-jaur-e-adū rahā

    us shola-ḳhū ne jaan jalā.ī tamām shab

    kahtā hai mehr-vash tumheñ kyuuñ ġhair gar nahīñ

    din bhar hamesha vasl judā.ī tamām shab

    dhar paañv āstāñ pe ki is aarzū meñ aah

    hai kisī ne nāsiya-sā.ī tamām shab

    'momin' maiñ apne nāloñ ke sadqe ki kahte haiñ

    un ko bhī aaj niiñd na aa.ī tamām shab

    thi wasl mein bhi fikr-e-judai tamam shab

    wo aae to bhi nind na aai tamam shab

    wan tana tir-e-yar yahan shikwa zaKHm-rez

    baham thi kis maze ki laDai tamam shab

    rangin hain KHun-e-sar se wo hath aaj-kal rahe

    jis hath mein wo dast-e-hinai tamam shab

    talu se yan zaban sahar tak nahin lagi

    tha kis ko shughl-e-naghma-e-sarai tamam shab

    yak bar dekhte hi mujhe ghash jo aa gaya

    bhule the wo bhi hosh-ruhai tamam shab

    mar jate kyun na subh ke hote hi hijr mein

    taklif kaisi kaisi uThai tamam shab

    garm-e-jawab-e-shikwa-e-jaur-e-adu raha

    us shola-KHu ne jaan jalai tamam shab

    kahta hai mehr-wash tumhein kyun ghair gar nahin

    din bhar hamesha wasl judai tamam shab

    dhar panw aastan pe ki is aarzu mein aah

    ki hai kisi ne nasiya-sai tamam shab

    'momin' main apne nalon ke sadqe ki kahte hain

    un ko bhi aaj nind na aai tamam shab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY