thin sabhi mehraben raushan baam-o-dar aabaad the

thiiñ sabhī mehrābeñ raushan bām-o-dar ābād the

ik zamāna thā ki jab ye saare ghar ābād the

ḳhaak sī uḌtī nazar aatī hai ab har ik taraf

vo bhī din the jab mohabbat ke nagar ābād the

kyā diloñ kī sūrat-e-hālāt tum se ham kaheñ

ye makāñ barbād haiñ ab jis qadar ābād the

ret uḌtī hai ab āñkhoñ meñ magar ik vaqt thā

vasl kī duniyā ke jitne the safar ābād the

vo bhī mausam thā mohabbat kā bahut jāñ-āfrīñ

jab hamāre dil yahāñ shām-o-sahar ābād the

varna kyoñ maz.har meñ aatā vāqi.a me.arāj kā

āsmānoñ se udhar shāyad bashar ābād the

ek ye din haiñ falak-āsār hai 'tūr' ab zamīñ

ek vo din the ki ye shams-o-qamar ābād the

thin sabhi mehraben raushan baam-o-dar aabaad the

ek zamana tha ki jab ye sare ghar aabaad the

KHak si uDti nazar aati hai ab har ek taraf

wo bhi din the jab mohabbat ke nagar aabaad the

kya dilon ki surat-e-haalat tum se hum kahen

ye makan barbaad hain ab jis qadar aabaad the

ret uDti hai ab aankhon mein magar ek waqt tha

wasl ki duniya ke jitne the safar aabaad the

wo bhi mausam tha mohabbat ka bahut jaan-afrin

jab hamare dil yahan sham-o-sahar aabaad the

warna kyon mazhar mein aata waqia mearaj ka

aasmanon se udhar shayad bashar aabaad the

ek ye din hain falak-asar hai 'tur' ab zamin

ek wo din the ki ye shams-o-qamar aabaad the