thoDa sa waqt lagta hai pahli uDan mein

thoḌā sā vaqt lagtā hai pahlī uḌaan meñ

phir jaise chāho khol do par āsmān meñ

har aadmī ye kahtā hai maiñ tere saath huuñ

sach pūchhiye to ik bhī nahīñ hai jahān meñ

dekhā jo merā haal to kahne lagā vo shaḳhs

terā shumār hotā hai kyā zindagān meñ

fikr-e-ma'āsh saath hī dil ke mu'āmle

is 'ishq ne to Daal diyā imtihān meñ

pahle kaḌā savāl thī kuchh mujh pe shā'irī

ab sar uThā ke chaltā huuñ maiñ ḳhāndān meñ

maiñ ne kī tere shahr se hijrat bas is liye

taaki na farq aa.e tirī ān-bān meñ

thoDa sa waqt lagta hai pahli uDan mein

phir jaise chaho khol do par aasman mein

har aadmi ye kahta hai main tere sath hun

sach puchhiye to ek bhi nahin hai jahan mein

dekha jo mera haal to kahne laga wo shaKHs

tera shumar hota hai kya zindagan mein

fikr-e-ma'ash sath hi dil ke mu'amle

is 'ishq ne to Dal diya imtihan mein

pahle kaDa sawal thi kuchh mujh pe sha'iri

ab sar uTha ke chalta hun main KHandan mein

main ne ki tere shahr se hijrat bas is liye

taki na farq aae teri aan-ban mein