thoDi si shohrat bhi mili hai thoDi si badnami bhi
thoḌī sī shohrat bhī milī hai thoḌī sī badnāmī bhī
merī sīrat meñ ai 'qaisar' ḳhūbī bhī hai ḳhāmī bhī
kitne āshiq sambhal ga.e haiñ merā fasāna sun sun kar
mere haq meñ jaisī bhī ho kaam kī hai nākāmī bhī
mahfil mahfil zikr hamārā soch samajh ke kar vaa.iz
apne muḳhālif bhī haiñ kitne aur haiñ kitne haamī bhī
aisā to mumkin hī nahīñ hai chāñd meñ koī daaġh na ho
jis meñ hogī kuchh bhī ḳhūbī us meñ hogī ḳhāmī bhī
merā maz.hab ishq kā maz.hab jis meñ koī tafrīq nahīñ
mere halqe meñ aate haiñ 'tulsī' bhī aur 'jāmī' bhī
yuuñ to sukūñ ke lamhe 'qaisar' hote haiñ anmol bahut
lekin apne kaam aatī hai dil kī be-ārāmī bhī
thoDi si shohrat bhi mili hai thoDi si badnami bhi
meri sirat mein ai 'qaisar' KHubi bhi hai KHami bhi
kitne aashiq sambhal gae hain mera fasana sun sun kar
mere haq mein jaisi bhi ho kaam ki hai nakaami bhi
mahfil mahfil zikr hamara soch samajh ke kar waiz
apne muKHalif bhi hain kitne aur hain kitne hami bhi
aisa to mumkin hi nahin hai chand mein koi dagh na ho
jis mein hogi kuchh bhi KHubi us mein hogi KHami bhi
mera mazhab ishq ka mazhab jis mein koi tafriq nahin
mere halqe mein aate hain 'tulsi' bhi aur 'jami' bhi
yun to sukun ke lamhe 'qaisar' hote hain anmol bahut
lekin apne kaam aati hai dil ki be-arami bhi
Source:
Tridhara (Pg. 15)
- Author: Dr. Hari Kunwar Rai 'Kunwar'
-
- Edition: 1996
- Publisher: Dishantar Parkashan
- Year of Publication: 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
