tir-e-nazar ne zulm ko ehsan bana diya

Wahshat Raza Ali Kalkatvi

tir-e-nazar ne zulm ko ehsan bana diya

Wahshat Raza Ali Kalkatvi

MORE BYWahshat Raza Ali Kalkatvi

    tīr-e-nazar ne zulm ko ehsāñ banā diyā

    tarkīb-e-dil ne dard ko darmāñ banā diyā

    sad shukr aaj ho ga.ī takmīl ishq

    apne ko ḳhāk-e-kūcha-e-jānāñ banā diyā

    kotāhī koī dast-e-junūñ se nahīñ huī

    dāman ko ham-kanār-e-girebāñ banā diyā

    chhoḌī hai jab se maiñ ne salāmat-ravī chaal

    dushvāriyoñ ko raah āsāñ banā diyā

    ai mish.al-e-ummīd ye ehsān kam nahīñ

    tārīk shab ko ne daraḳhshāñ banā diyā

    husn-āfrīñ huā hai tasavvur jamāl

    dil ko havā-e-gul ne gulistāñ banā diyā

    zohd aur ittiqā pe mujhe apne naaz thā

    ḳhud maiñ ne tujh ko dushman-e-īmāñ banā diyā

    ā.īna-e-jamāl ko dekhūñgā kis tarah

    us ne to pahle mujhe hairāñ banā diyā

    vo imtiyāz-e-husn hai ma.anī o lafz

    'vahshat' ko jis ne 'ġhālib'-e-daurāñ banā diyā

    tir-e-nazar ne zulm ko ehsan bana diya

    tarkib-e-dil ne dard ko darman bana diya

    sad shukr aaj ho gai takmil ishq ki

    apne ko KHak-e-kucha-e-jaanan bana diya

    kotahi koi dast-e-junun se nahin hui

    daman ko ham-kanar-e-gireban bana diya

    chhoDi hai jab se main ne salamat-rawi ki chaal

    dushwariyon ko rah ki aasan bana diya

    ai mishal-e-ummid ye ehsan kam nahin

    tarik shab ko tu ne daraKHshan bana diya

    husn-afrin hua hai tasawwur jamal ka

    dil ko hawa-e-gul ne gulistan bana diya

    zohd aur ittiqa pe mujhe apne naz tha

    KHud main ne tujh ko dushman-e-iman bana diya

    aaina-e-jamal ko dekhunga kis tarah

    us ne to pahle hi mujhe hairan bana diya

    wo imtiyaz-e-husn hai mani o lafz ka

    'wahshat' ko jis ne 'ghaalib'-e-dauran bana diya

    RECITATIONS

    Nomaan Shauque

    Nomaan Shauque

    Nomaan Shauque

    tir-e-nazar ne zulm ko ehsan bana diya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY