tīra-baḳhtī na ga.ī soḳhta-sāmānoñ kī
ḳhaak raushan na huī sham.a se parvānoñ kī
chāhte haiñ na rahe hosh meñ apne koī
kitnī ma.asūm zideñ haiñ tire dīvānoñ kī
shīsha-e-dil se koī barq taḌap kar niklī
jab paḌī choT chhalakte hue paimānoñ kī
nigah-e-mast se Takrāte rahe shīsha-e-dil
ḳhuub chaltī rahī dīvānoñ se dīvānoñ kī
mast-e-sahbā-e-mohabbat hai azal se 'sahbā'
is ko shīshe kī zarūrat hai na paimānoñ kī
tira-baKHti na gai soKHta-samanon ki
KHak raushan na hui shama se parwanon ki
chahte hain na rahe hosh mein apne koi
kitni masum ziden hain tere diwanon ki
shisha-e-dil se koi barq taDap kar nikli
jab paDi choT chhalakte hue paimanon ki
nigah-e-mast se Takraate rahe shisha-e-dil
KHub chalti rahi diwanon se diwanon ki
mast-e-sahba-e-mohabbat hai azal se 'sahba'
is ko shishe ki zarurat hai na paimanon ki
Source:
Sahba Lakhnavi : Shakhsiyat Aur Adabi Khidmaat (Pg. 290)
-
- Publisher: Irtiqa Matbuat, Karachi
- Year of Publication: 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.