tirgi bala ki hai main koi sada lagaun
tirgi bala ki hai main koi sada lagaun
Rajinder Manchanda Bani
MORE BYRajinder Manchanda Bani
tīrgī balā kī hai maiñ koī sadā lagā.ūñ
ek shaḳhs saath thā us kā kuchh pata lagā.ūñ
bahte jaane ke sivā bas meñ kuchh nahīñ to kyā
dushmanoñ ke ghaaT haiñ naav kaise jā lagā.ūñ
vo tamām rañg hai us se baat kyā karūñ
vo tamām ḳhvāb hai us ko haath kyā lagā.ūñ
kuchh na ban paḌe to phir ek ek dost par
baat baat shak karūñ tohmateñ judā lagā.ūñ
manzar ās-pās kā Dūbtā dikhā.ī de
maiñ kabhī jo duur kī baat kā pata lagā.ūñ
aisī terī bazm kyā aisā zabt-o-nazm kyā
mere jī meñ aa.ī hai aaj qahqaha lagā.ūñ
ye hai kyā jagah miyāñ kah rahe haiñ sab ki yaañ
kuchh kashāñ kashāñ rahūñ dil zarā zarā lagā.ūñ
tirgi bala ki hai main koi sada lagaun
ek shaKHs sath tha us ka kuchh pata lagaun
bahte jaane ke siwa bas mein kuchh nahin to kya
dushmanon ke ghaT hain naw kaise ja lagaun
wo tamam rang hai us se baat kya karun
wo tamam KHwab hai us ko hath kya lagaun
kuchh na ban paDe to phir ek ek dost par
baat baat shak karun tohmaten juda lagaun
manzar aas-pas ka Dubta dikhai de
main kabhi jo dur ki baat ka pata lagaun
aisi teri bazm kya aisa zabt-o-nazm kya
mere ji mein aai hai aaj qahqaha lagaun
ye hai kya jagah miyan kah rahe hain sab ki yan
kuchh kashan kashan rahun dil zara zara lagaun
Source:
Rooh-e-Ghazal,Pachas Sala Intekhab (Pg. 358)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
