tirgi ko qarib aane do

tīrgī ko qarīb aane do

zindagī kā fareb khāne do

ab to kashtī lage kināre par

taaki phir mil sakeñ divāne do

zikr karte haiñ apne maazī kā

dost milte haiñ jab purāne do

har na.e din kā ye taqāzā hai

zindagī ko na.e fasāne do

vaqt kī in ḳhamoshiyoñ meñ 'sarosh'

mahfil-e-dostāñ sajāne do

tirgi ko qarib aane do

zindagi ka fareb khane do

ab to kashti lage kinare par

taki phir mil saken diwane do

zikr karte hain apne mazi ka

dost milte hain jab purane do

har nae din ka ye taqaza hai

zindagi ko nae fasane do

waqt ki in KHamoshiyon mein 'sarosh'

mahfil-e-dostan sajaane do