TimTimata hua mandir ka diya ho jaise

TimTimātā huā mandir kā diyā ho jaise

terī āñkhoñ meñ koī ḳhvāb chhupā ho jaise

pher liiñ tum ne nigāheñ to ye mahsūs huā

mujh se rūThī huī tāsīr-e-duā ho jaise

gūñjtī hai mire kānoñ meñ yuuñ āvāz tirī

koh o sahrā meñ azānoñ kī sadā ho jaise

apnī nazreñ na jhukānā ki gumāñ hotā hai

sāmne sar pe khaḌī merī qazā ho jaise

un ke ruḳhsat kā vo lamha mujhe yuuñ lagtā hai

vaqt nārāz huā din bhī Dhalā ho jaise

paas hote ho to mahsūs yahī hotā hai

umr bhar kī ye riyāzat kā sila ho jaise

bhiiḌ aisī hai kise sajda karūñ ai 'āzam'

aaj ke daur meñ har shaḳhs ḳhudā ho jaise

TimTimata hua mandir ka diya ho jaise

teri aankhon mein koi KHwab chhupa ho jaise

pher lin tum ne nigahen to ye mahsus hua

mujh se ruThi hui tasir-e-dua ho jaise

gunjti hai mere kanon mein yun aawaz teri

koh o sahra mein azanon ki sada ho jaise

apni nazren na jhukana ki guman hota hai

samne sar pe khaDi meri qaza ho jaise

un ke ruKHsat ka wo lamha mujhe yun lagta hai

waqt naraaz hua din bhi Dhala ho jaise

pas hote ho to mahsus yahi hota hai

umr bhar ki ye riyazat ka sila ho jaise

bhiD aisi hai kise sajda karun ai 'azam'

aaj ke daur mein har shaKHs KHuda ho jaise