tera mizaj takabbur ka shaKHsana tha

tirā mizāj takabbur kā shāḳhsāna thā

ta'alluqāt kā manzar badal hī jaanā thā

ga.e the ham bhī faqat rasm hī nibhāne ko

aur us kā tarz-e-amal bhī muḳhāsamāna thā

kisī ke ūñche dar-o-bām mohtaram the magar

hameñ havā ke liye rāsta banānā thā

ye ḳhaak buġhz-o-adāvat se paak rakhnī thī

zamīn-e-dil pe shajar pyaar kā ugānā thā

maiñ jāntā huuñ use mujh pe e'tibār na thā

agarche mere gavāhoñ meñ ik zamāna thā

ye tū ne tark-e-marāsim kī baat kyoñ chheḌī

hameñ to yuuñ bhī tirā shahr chhoḌ jaanā thā

ka.ī charāġh muñDeroñ pe jal bujhe 'anvar'

use na aanā thā shāyad use na aanā thā

tera mizaj takabbur ka shaKHsana tha

ta'alluqat ka manzar badal hi jaana tha

gae the hum bhi faqat rasm hi nibhane ko

aur us ka tarz-e-amal bhi muKHasamana tha

kisi ke unche dar-o-baam mohtaram the magar

hamein hawa ke liye rasta banana tha

ye KHak bughz-o-adawat se pak rakhni thi

zamin-e-dil pe shajar pyar ka ugana tha

main jaanta hun use mujh pe e'tibar na tha

agarche mere gawahon mein ek zamana tha

ye tu ne tark-e-marasim ki baat kyon chheDi

hamein to yun bhi tera shahr chhoD jaana tha

kai charagh munDeron pe jal bujhe 'anwar'

use na aana tha shayad use na aana tha