tere aasman se azab kyun nahin TuTta

tire āsmāñ se 'azāb kyuuñ nahīñ TūTtā

mirī niiñd aur mirā ḳhvāb kyuuñ nahīñ TūTtā

tirā zikr kartā huuñ sub.h-o-shām namāz meñ

ye tilism-e-ajr-o-savāb kyuuñ nahīñ TūTtā

mire ḳhadd-o-ḳhāl bikharte kyuuñ nahīñ raah meñ

tire aa.ine kā sarāb kyuuñ nahīñ TūTtā

tire lafz lafz kī muntazir haiñ samā'teñ

lab-e-husn terā hijāb kyuuñ nahīñ TūTtā

kaḌe mausamoñ kā hadaf huuñ maiñ to 'qamar-razā'

mirī shāḳh par se gulāb kyuuñ nahīñ TūTtā

tere aasman se 'azab kyun nahin TuTta

meri nind aur mera KHwab kyun nahin TuTta

tera zikr karta hun subh-o-sham namaz mein

ye tilism-e-ajr-o-sawab kyun nahin TuTta

mere KHadd-o-KHal bikharte kyun nahin rah mein

tere aaine ka sarab kyun nahin TuTta

tere lafz lafz ki muntazir hain sama'ten

lab-e-husn tera hijab kyun nahin TuTta

kaDe mausamon ka hadaf hun main to 'qamar-raza'

meri shaKH par se gulab kyun nahin TuTta