tere aks se meri zat mein hai latif hijr-o-visal sa

tire aks se mirī zaat meñ hai latīf hijr-o-visāl sā

dam-e-sub.h koī umang sī sar-e-shām koī malāl sā

tirī bū-e-ḳhush ke surūr se tirī raushnī ke vafūr se

mire nain gahre siyāh se mirā rang surḳh gulāl sā

magar āgahī kī talab se hai hama-vaqt nok-e-zabān par

koī lafz lafz-e-gumān sā koī harf harf-e-savāl sā

jise zindagī ke rafū libās ke saare baḳhiye qubūl haiñ

use phir labāda qazā kā bhī huā narm reshoñ kī shaal sā

chalo DhūñDeñ shahar-e-numūd meñ koī shaḳhs paikar-e-zindagī

koī dostī kī nazīr sā koī dilbarī kī misāl sā

mirā intiqām bhī harf haiñ mirā ehtimām bhī harf haiñ

kabhī giit giit tarañg sī kabhī she'r she'r vabāl sā

tere aks se meri zat mein hai latif hijr-o-visal sa

dam-e-subh koi umang si sar-e-sham koi malal sa

teri bu-e-KHush ke surur se teri raushni ke wafur se

mere nain gahre siyah se mera rang surKH gulal sa

magar aagahi ki talab se hai hama-waqt nok-e-zaban par

koi lafz lafz-e-guman sa koi harf harf-e-sawal sa

jise zindagi ke rafu libas ke sare baKHiye qubul hain

use phir labaada qaza ka bhi hua narm reshon ki shaal sa

chalo DhunDen shahar-e-numud mein koi shaKHs paikar-e-zindagi

koi dosti ki nazir sa koi dilbari ki misal sa

mera intiqam bhi harf hain mera ehtimam bhi harf hain

kabhi git git tarang si kabhi she'r she'r wabaal sa