tere alawa koi dusra mila hi nahin

tire 'alāva koī dūsrā milā hī nahīñ

so tere baa'd bahut der maiñ jiyā hī nahīñ

isī liye to kisī kaam kā nahīñ huuñ maiñ

jo kaam karne kā thā vo kabhī kiyā hī nahīñ

jahān vaale hameñ mast kah rahe haiñ to kyā

ki apnā dard kisī aur se kahā hī nahīñ

hamāre baare meñ kaise tumheñ ḳhabar hotī

tumhāre baa'd zamāne se rābta hī nahīñ

jo merā haal tire baa'd hai kaTe hue harf

batānā chāhtā huuñ koī pūchhtā hī nahīñ

saḌak pe haiñ ki nahīñ haiñ ‘ajīb uljhan hai

hamārī samt koī shaḳhs dekhtā hī nahīñ

bahut se log haiñ lekin ḳhushī se tanhā huuñ

kisī kā saath zamāne mujhe ravā hī nahīñ

isī liye to badan tār-tār hai merā

jo zaḳhm lag gayā 'fā.ez' kabhī siyā hī nahīñ

tere 'alawa koi dusra mila hi nahin

so tere ba'd bahut der main jiya hi nahin

isi liye to kisi kaam ka nahin hun main

jo kaam karne ka tha wo kabhi kiya hi nahin

jahan wale hamein mast kah rahe hain to kya

ki apna dard kisi aur se kaha hi nahin

hamare bare mein kaise tumhein KHabar hoti

tumhaare ba'd zamane se rabta hi nahin

jo mera haal tere ba'd hai kaTe hue harf

batana chahta hun koi puchhta hi nahin

saDak pe hain ki nahin hain ‘ajib uljhan hai

hamari samt koi shaKHs dekhta hi nahin

bahut se log hain lekin KHushi se tanha hun

kisi ka sath zamane mujhe rawa hi nahin

isi liye to badan tar-tar hai mera

jo zaKHm lag gaya 'faez' kabhi siya hi nahin