tere baad is jahan mein koi dusra nahin tha

tire ba.ad is jahāñ meñ koī dūsrā nahīñ thā

are be-misāl tujh sā koī bevafā nahīñ thā

mirā Dūbtā safīna kahūñ kaise paar utrā

mire saath ik ḳhudā thā koī nā-ḳhudā nahīñ thā

tire ishq ke talātum ne Dubo diyā hai varna

to ai mauj-e-reg maiñ bhī koī bulbulā nahīñ thā

to ThiThurtī sardiyoñ meñ kabhī aag lene aatī

maiñ jigar jalā.e rakhtā koī dil-jalā nahīñ thā

vo misāl-e-ḳhvāb-e-manzar na lage palak palak se

koī ḳhvāb phir na jaage mujhe ye patā nahīñ thā

tire is marīz-e-dil tak tū kabhī pahuñch na paa.ī

tū ye baat so chhupā.e maiñ kahīñ chhupā nahīñ thā

maiñ tamām hosh kho kar tire dar pe jaañ se jaatā

tire ghar ke rāstoñ meñ kahīñ mai-kada nahīñ thā

tere baad is jahan mein koi dusra nahin tha

are be-misal tujh sa koi bewafa nahin tha

mera Dubta safina kahun kaise par utra

mere sath ek KHuda tha koi na-KHuda nahin tha

tere ishq ke talatum ne Dubo diya hai warna

to ai mauj-e-reg main bhi koi bulbula nahin tha

to ThiThurti sardiyon mein kabhi aag lene aati

main jigar jalae rakhta koi dil-jala nahin tha

wo misal-e-KHwab-e-manzar na lage palak palak se

koi KHwab phir na jage mujhe ye pata nahin tha

tere is mariz-e-dil tak tu kabhi pahunch na pai

tu ye baat so chhupae main kahin chhupa nahin tha

main tamam hosh kho kar tere dar pe jaan se jata

tere ghar ke raston mein kahin mai-kada nahin tha