tere dant sare safed hain pae-zeb pan se mal kar aa

tire daañt saare safed haiñ pa.e-zeb paan se mal kar aa

nahīñ dekhe aaj tak abr meñ mujhe ab dikhāne ko aḳhtar aa

shab-e-vā'da tū agar aa.e hai to darañg kyā hai mire ghar aa

ki ye āñkheñ lag rahī dar se haiñ shab-e-rashk-e-mah ba-ḳhudā dar aa

mire sar pe har ghaḌī fāḳhta kare kaam kyūñki na are kā

qad-e-dil-rubā ke huzūr tū na chaman meñ ban ke sanobar aa

mire tan se sar ko judā kar ab nahīñ ḳhūñ-bahā kī mujhe talab

ki ye tan ye bār-e-girāñ hai bas kahīñ teġh le ke sitamgar aa

ye makāñ haiñ donoñ tire liye nahīñ ġhair kā hai yahāñ guzar

jo tū chashm meñ nahīñ aa.e hai mire dil meñ yaar suḳhanvar aa

tirī raah dekhūñ maiñ tā-kujā kahūñ kis se ye ki ḳhabar hī lā

mirā us se le ke javāb-e-ḳhat kahīñ jald uḌ ke kabūtar aa

ba-juz abr de but-e-bāda-kash nahīñ dil ke vāste jā.e-ḳhush

ki ye shīsha aur vo taaq hai tū 'nasīr' jā ke use dhar aa

tere dant sare safed hain pae-zeb pan se mal kar aa

nahin dekhe aaj tak abr mein mujhe ab dikhane ko aKHtar aa

shab-e-wa'da tu agar aae hai to darang kya hai mere ghar aa

ki ye aankhen lag rahi dar se hain shab-e-rashk-e-mah ba-KHuda dar aa

mere sar pe har ghaDi faKHta kare kaam kyunki na are ka

qad-e-dil-ruba ke huzur tu na chaman mein ban ke sanobar aa

mere tan se sar ko juda kar ab nahin KHun-baha ki mujhe talab

ki ye tan ye bar-e-giran hai bas kahin tegh le ke sitamgar aa

ye makan hain donon tere liye nahin ghair ka hai yahan guzar

jo tu chashm mein nahin aae hai mere dil mein yar suKHanwar aa

teri rah dekhun main ta-kuja kahun kis se ye ki KHabar hi la

mera us se le ke jawab-e-KHat kahin jald uD ke kabutar aa

ba-juz abr de but-e-baada-kash nahin dil ke waste jae-KHush

ki ye shisha aur wo taq hai tu 'nasir' ja ke use dhar aa