tere dayar mein koi bhi ham-zaban na mila

tire dayār meñ koī bhī ham-zabāñ na milā

hazār naqsh mile koī rāzdāñ na milā

maiñ sochtā huuñ ki ye bhī hasīn haiñ lekin

tasavvur-e-ruḳh-e-jānāñ kā imtihāñ na milā

ye sach nahīñ hai ki chhuTne ke baa'd jān-e-visāl

tujhe zamīñ na milī mujh ko āsmāñ na milā

adā-e-ḳhās milī aur salā-e-ām milī

magar kahīñ bhī vo andāz-e-jān-e-jāñ na milā

gadā-shanāsī-e-ahl-e-karam musallam hai

ham uTh ke jis ke qadam leñ vo pāsbāñ na milā

jahāñ bhī dekhā vahīñ paayā tujh ko jān-e-visāl

tirī nigāh kā partav kahāñ kahāñ na milā

vo dil hī kyā jo mohabbat se āshnā na huā

safīna kyā vo jise bahr-e-be-karāñ na milā

kise sunā.eñ ġhazal bahr-e-sharh-e-dil 'mas.ūd'

ki is dayār meñ koī bhī nukta-dāñ na milā

tere dayar mein koi bhi ham-zaban na mila

hazar naqsh mile koi raazdan na mila

main sochta hun ki ye bhi hasin hain lekin

tasawwur-e-ruKH-e-jaanan ka imtihan na mila

ye sach nahin hai ki chhuTne ke ba'd jaan-e-visal

tujhe zamin na mili mujh ko aasman na mila

ada-e-KHas mili aur sala-e-am mili

magar kahin bhi wo andaz-e-jaan-e-jaan na mila

gada-shanasi-e-ahl-e-karam musallam hai

hum uTh ke jis ke qadam len wo pasban na mila

jahan bhi dekha wahin paya tujh ko jaan-e-visal

teri nigah ka partaw kahan kahan na mila

wo dil hi kya jo mohabbat se aashna na hua

safina kya wo jise bahr-e-be-karan na mila

kise sunaen ghazal bahr-e-sharh-e-dil 'masud'

ki is dayar mein koi bhi nukta-dan na mila