tere dil mein hai musawwir koi surat-e-dawami

tire dil meñ hai musavvir koī sūrat-e-davāmī

ki tamām naqsh ab tak haiñ shahīd-e-nā-tamāmī

maiñ kuchh aur pūchhtā kyā maiñ javāb pā chukā thā

ki payām de ke palTā to ḳhamosh thā payāmī

mujhe dekhnā hai us ko jo tirī galī se guzre

ba-qabā-e-pārsā.ī ba-libās-e-nek-nāmī

jo ba-chashm-e-nam laboñ par kisī ġham-zada ke aa.e

laraz us hañsī se zālim vo hañsī hai intiqāmī

koī auj-e-mushtarak ho koī manzar-e-musāvī

mirī boriyā-nashīnī na tirī buland-bāmī

vo kahāniyāñ sunā.ūñ jo sunī na hoñ kisī ne

magar ai 'shamīm' chup huuñ ki bhare to koī haamī

tere dil mein hai musawwir koi surat-e-dawami

ki tamam naqsh ab tak hain shahid-e-na-tamami

main kuchh aur puchhta kya main jawab pa chuka tha

ki payam de ke palTa to KHamosh tha payami

mujhe dekhna hai us ko jo teri gali se guzre

ba-qaba-e-parsai ba-libas-e-nek-nami

jo ba-chashm-e-nam labon par kisi gham-zada ke aae

laraz us hansi se zalim wo hansi hai intiqami

koi auj-e-mushtarak ho koi manzar-e-musawi

meri boriya-nashini na teri buland-baami

wo kahaniyan sunaun jo suni na hon kisi ne

magar ai 'shamim' chup hun ki bhare to koi hami