tere gham se dil shadman dekhta hun

Hirman Khairabadi

tere gham se dil shadman dekhta hun

Hirman Khairabadi

MORE BYHirman Khairabadi

    tire ġham se dil shādmāñ dekhtā huuñ

    tujhe rāhat-e-jāvedāñ dekhtā huuñ

    zamāne bargashtagī ye aalam

    ki har shai ko dāman-kashāñ dekhtā huuñ

    kabhī bijliyāñ raunaq-e-gulistāñ thiiñ

    shajar aaj be-āshiyāñ dekhtā huuñ

    kabhī apnī māyūsiyoñ par qanā.at

    kabhī jānib-e-āsmāñ dekhtā huuñ

    kabhī ḳhaak rif.atoñ par nazar hai

    kabhī charḳh pastiyāñ dekhtā huuñ

    ik andāz-e-vāraftagī hai na pūchho

    kise dekhtā huuñ kahāñ dekhtā huuñ

    mohabbat adnā tasarruf hai 'hirmāñ'

    jahāñ maiñ nahīñ huuñ vahāñ dekhtā huuñ

    tere gham se dil shadman dekhta hun

    tujhe rahat-e-jawedan dekhta hun

    zamane ki bargashtagi ka ye aalam

    ki har shai ko daman-kashan dekhta hun

    kabhi bijliyan raunaq-e-gulistan thin

    shajar aaj be-ashiyan dekhta hun

    kabhi apni mayusiyon par qanaat

    kabhi jaanib-e-asman dekhta hun

    kabhi KHak ki rifaton par nazar hai

    kabhi charKH ki pastiyan dekhta hun

    ek andaz-e-waraftagi hai na puchho

    kise dekhta hun kahan dekhta hun

    mohabbat ka adna tasarruf hai 'hirman'

    jahan main nahin hun wahan dekhta hun

    Source:

    • Book : Scan File Mail By Salim Saleem
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY