tere pas rah kar sanwar jaunga main

tire paas rah kar sañvar jā.ūñgā maiñ

judā ho ke tujh se bikhar jā.ūñgā maiñ

zarā sochne de maiñ uThne se pahle

tire dar se uTh kar kidhar jā.ūñgā maiñ

tire saath jiine kī ummīd lekin

tirā saath na ho to mar jā.ūñgā maiñ

tire pyaar ke saa.e meñ chand lamhe

zarā jī to luuñ phir guzar jā.ūñgā maiñ

simaT kar hī rahne de āñchal se tere

tū jhuTlā.e to chashm-e-tar jā.ūñgā maiñ

na hargiz chalūñgā kisī rahguzar se

tū roke agar to Thahar jā.ūñgā maiñ

tire pyaar meñ zaḳhm khā khā ke ik din

ki āġhosh-e-ġham meñ utar jā.ūñgā maiñ

'nisār' ishq kī aag meñ jal rahā huuñ

pata hai ki ik din nikhar jā.ūñgā maiñ

tere pas rah kar sanwar jaunga main

juda ho ke tujh se bikhar jaunga main

zara sochne de main uThne se pahle

tere dar se uTh kar kidhar jaunga main

tere sath jine ki ummid lekin

tera sath na ho to mar jaunga main

tere pyar ke sae mein chand lamhe

zara ji to lun phir guzar jaunga main

simaT kar hi rahne de aanchal se tere

tu jhuTlae to chashm-e-tar jaunga main

na hargiz chalunga kisi rahguzar se

tu roke agar to Thahar jaunga main

tere pyar mein zaKHm kha kha ke ek din

ki aaghosh-e-gham mein utar jaunga main

'nisar' ishq ki aag mein jal raha hun

pata hai ki ek din nikhar jaunga main