tere ruKH ko jab ai sanam dekhte hain

tire ruḳh ko jab ai sanam dekhte haiñ

ḳhudā ko ḳhudā kī qasam dekhte haiñ

tumheñ dekhte hoñ to diide hī phūTeñ

buto shān-e-maulā ko ham dekhte haiñ

gila ġhair kā kyā azīzoñ se apne

na dushman bhī dekhe jo ham dekhte haiñ

milā karte haiñ sab se ham jhuk ke daa.im

kamāñ kī tarah ḳhud meñ ḳham dekhte haiñ

zamāne ne ka.aba kalīsā meñ dekhā

magar us ko is dil meñ ham dekhte haiñ

chaḌhā lete haiñ sab tabarruk samajh kar

na whiskey na Tharrā na rum dekhte haiñ

miTā dete haiñ us ko chāqū se 'asġhar'

mirā naam jis jā raqam dekhte haiñ

tere ruKH ko jab ai sanam dekhte hain

KHuda ko KHuda ki qasam dekhte hain

tumhein dekhte hon to dide hi phuTen

buto shan-e-maula ko hum dekhte hain

gila ghair ka kya azizon se apne

na dushman bhi dekhe jo hum dekhte hain

mila karte hain sab se hum jhuk ke daim

kaman ki tarah KHud mein KHam dekhte hain

zamane ne kaba kalisa mein dekha

magar us ko is dil mein hum dekhte hain

chaDha lete hain sab tabarruk samajh kar

na whiskey na Tharra na rum dekhte hain

miTa dete hain us ko chaqu se 'asghar'

mera nam jis ja raqam dekhte hain