tere siwa to nazar mein koi jacha hi nahin

tire sivā to nazar meñ koī jachā hī nahīñ

ye mas.ala to magar tujh ko dikh rahā hī nahīñ

vo dil kī baat nigāhoñ se jaan saktā thā

vo jald-bāz magar in meñ jhāñktā hī nahīñ

lakīr khīñch ke naqsha ġhalat kiyā maiñ ne

ki merā haath kisī kī talab rahā hī nahīñ

samay kī jhiil ne paanī tarā.ī par pheñkā

vo shah-savār magar us taraf gayā hī nahīñ

muhīb rāste ham ko kahāñ Darā sakte

vafā kī raah pe koī hameñ milā hī nahīñ

maiñ saTpaTā ke razā.ī meñ muñh chhupātī huuñ

tumhārā hijr to kamre se jā rahā hī nahīñ

use talāsh kiyā hai farah bahut maiñ ne

vo ek shaḳhs jo mil kar bhī mil sakā hī nahīñ

tere siwa to nazar mein koi jacha hi nahin

ye masala to magar tujh ko dikh raha hi nahin

wo dil ki baat nigahon se jaan sakta tha

wo jald-baz magar in mein jhankta hi nahin

lakir khinch ke naqsha ghalat kiya main ne

ki mera hath kisi ki talab raha hi nahin

samay ki jhil ne pani tarai par phenka

wo shah-sawar magar us taraf gaya hi nahin

muhib raste hum ko kahan Dara sakte

wafa ki rah pe koi hamein mila hi nahin

main saTpaTa ke razai mein munh chhupati hun

tumhaara hijr to kamre se ja raha hi nahin

use talash kiya hai farah bahut main ne

wo ek shaKHs jo mil kar bhi mil saka hi nahin