teri aankhon se jab tak dekhta hun

tirī āñkhoñ se jab tak dekhtā huuñ

yaqīñ maano maiñ rab tak dekhtā huuñ

tirī āvāz ko tajsīm kar ke

tū kyā jaane maiñ kab tak dekhtā huuñ

jo chhoḌ aaya thā maiñ terī galī meñ

unhī āñkhoñ se ab tak dekhtā huuñ

mirā va.ada rahā ai jaane vaale

tumheñ dekhūñgā jab tak dekhtā huuñ

tum āñkhoñ kī tijārat kar rahe ho

tire nām-o-nasab tak dekhtā huuñ

tire pahlū meñ ḳhvābīda sharāre

mire patthar meñ ab tak dekhtā huuñ

chhupā kar pyaar kā tūfān dil meñ

sañbhal jaane kā Dhab tak dekhtā huuñ

teri aankhon se jab tak dekhta hun

yaqin mano main rab tak dekhta hun

teri aawaz ko tajsim kar ke

tu kya jaane main kab tak dekhta hun

jo chhoD aaya tha main teri gali mein

unhi aankhon se ab tak dekhta hun

mera wada raha ai jaane wale

tumhein dekhunga jab tak dekhta hun

tum aankhon ki tijarat kar rahe ho

tere nam-o-nasab tak dekhta hun

tere pahlu mein KHwabida sharare

mere patthar mein ab tak dekhta hun

chhupa kar pyar ka tufan dil mein

sanbhal jaane ka Dhab tak dekhta hun