aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

teri be-niyaziyon ka mujhe kuchh gila nahin hai

Hairat Farrukhabadi

teri be-niyaziyon ka mujhe kuchh gila nahin hai

Hairat Farrukhabadi

MORE BYHairat Farrukhabadi

    tirī be-niyāziyoñ mujhe kuchh gila nahīñ hai

    mirā dil hai ḳhuub vāqif tirā dil burā nahīñ hai

    ġham-e-dost dar-haqīqat tirā rahnumā-e-manzil

    vahī kam-nigāh niklā jise hausla nahīñ hai

    mire ishq muqaddar mirī zindagī hāsil

    ġham-e-yār ke alāva koī dūsrā nahīñ hai

    tirā dard zindagī hai tirā ġham mirā muqaddar

    mujhe aur chāhiye kyā mire ghar meñ kyā nahīñ hai

    mujhe ne baḳhsh hai jo sazā-e-dard-e-furqat

    ye to ain zindagī hai ye sazā sazā nahīñ hai

    tirī justujū ke sadqe ye khulā hai raaz mujh par

    ki myān-e-dair-o-ka.aba koī fāsla nahīñ hai

    rah-e-ḳhalq meñ luTā de jo matā.a-e-zindagānī

    vahī banda-e-ḳhudā hai vo agar ḳhudā nahīñ hai

    na junūñ had hai koī hai na ishq muqayyad

    kahāñ rahā huuñ yaaro mujhe kuchh patā nahīñ hai

    ye jo raushnī hai har to ḳhirad hai kyoñ pareshāñ

    ye jo jal rahā hai dil hai ye koī diyā nahīñ hai

    mujhe ishq hai ḳhudī se maiñ farefta huuñ ḳhud par

    nahīñ jo qarīb mere vo mirā ḳhudā nahīñ hai

    jo mazā hai tishnagī meñ hai jo lutf-e-be-qarārī

    tujhe kyā batā.ūñ hamdam tirā dil jalā nahīñ hai

    kare kyuuñ asar na 'hairat' ye ġhazal tirī diloñ par

    ye navā-e-sāz-e-dil hai koī falsafa nahīñ hai

    teri be-niyaziyon ka mujhe kuchh gila nahin hai

    mera dil hai KHub waqif tera dil bura nahin hai

    gham-e-dost dar-haqiqat tera rahnuma-e-manzil

    wahi kam-nigah nikla jise hausla nahin hai

    mere ishq ka muqaddar meri zindagi ka hasil

    gham-e-yar ke alawa koi dusra nahin hai

    tera dard zindagi hai tera gham mera muqaddar

    mujhe aur chahiye kya mere ghar mein kya nahin hai

    mujhe tu ne baKHsh di hai jo saza-e-dard-e-furqat

    ye to ain zindagi hai ye saza saza nahin hai

    teri justuju ke sadqe ye khula hai raaz mujh par

    ki myan-e-dair-o-kaba koi fasla nahin hai

    rah-e-KHalq mein luTa de jo mataa-e-zindagani

    wahi banda-e-KHuda hai wo agar KHuda nahin hai

    na junun ki had hai koi hai na ishq hi muqayyad

    kahan ja raha hun yaro mujhe kuchh pata nahin hai

    ye jo raushni hai har su to KHirad hai kyon pareshan

    ye jo jal raha hai dil hai ye koi diya nahin hai

    mujhe ishq hai KHudi se main farefta hun KHud par

    nahin jo qarib mere wo mera KHuda nahin hai

    jo maza hai tishnagi mein hai jo lutf-e-be-qarari

    tujhe kya bataun hamdam tera dil jala nahin hai

    kare kyun asar na 'hairat' ye ghazal teri dilon par

    ye nawa-e-saz-e-dil hai koi falsafa nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now