teri gali si kisi bhi gali ki shan nahin

tirī galī sī kisī bhī galī kī shaan nahīñ

ki is zamīn pe sunte haiñ āsmān nahīñ

mizha se baḌh ke nahīñ hai jo koī tīr-e-hasīñ

tumhāre abrū se dilkash koī kamān nahīñ

sisak rahe haiñ jo saḌkoñ pe saiñkaḌoñ insāñ

tumhāre shahr meñ shāyad koī makān nahīñ

yahīñ bahisht hai yaaro yahīñ hai dozaḳh bhī

ki is jahān se aage koī jahān nahīñ

mirī ḳhamoshī kā matlab nahīñ qarār-o-sukūñ

bharā hai dard se dil tāqat-e-bayān nahīñ

adū ko dete haiñ tarjīh mujh se ḳhādim par

bure-bhale ke parī-vash mizāj-dān nahīñ

hamāre shahr meñ har ek is tarah chup hai

ki jaise muñh meñ kisī shaḳhs ke zabān nahīñ

ye ashk manzil-e-āḳhir haiñ 'ishq kī hamdam

ki in sitāroñ se aage koī nishān nahīñ

ho 'faḳhr' ḳhaak mujhe qaum kī taraqqī par

jo fard-e-qaum ye mazdūr aur kisān nahīñ

teri gali si kisi bhi gali ki shan nahin

ki is zamin pe sunte hain aasman nahin

mizha se baDh ke nahin hai jo koi tir-e-hasin

tumhaare abru se dilkash koi kaman nahin

sisak rahe hain jo saDkon pe sainkaDon insan

tumhaare shahr mein shayad koi makan nahin

yahin bahisht hai yaro yahin hai dozaKH bhi

ki is jahan se aage koi jahan nahin

meri KHamoshi ka matlab nahin qarar-o-sukun

bhara hai dard se dil taqat-e-bayan nahin

adu ko dete hain tarjih mujh se KHadim par

bure-bhale ke pari-wash mizaj-dan nahin

hamare shahr mein har ek is tarah chup hai

ki jaise munh mein kisi shaKHs ke zaban nahin

ye ashk manzil-e-aKHir hain 'ishq ki hamdam

ki in sitaron se aage koi nishan nahin

ho 'faKHr' KHak mujhe qaum ki taraqqi par

jo fard-e-qaum ye mazdur aur kisan nahin