teri justuju mein dekha main kahan kahan se guzra

tirī justujū meñ dekhā maiñ kahāñ kahāñ se guzrā

kabhī is zamīñ ko rauñdā kabhī āsmāñ se guzrā

tire ġham meñ do jahāñ se jo bachā liyā hai dāman

kabhī aisā bhī huā hai ġham-e-do-jahāñ se guzrā

mire naqsh-hā-e-ulfat ye batā rahe haiñ sab ko

maiñ kahāñ kahāñ pe Thahrā maiñ kahāñ kahāñ se guzrā

ye masājid-o-manādir mire kaam kuchh na aa.e

tire ishq meñ jo guzrā to maiñ apnī jaañ se guzrā

tū ḳhabīr bhī hai kāmil tū aliim bhī hai mutlaq

tire sāmne kahūñ kyā maiñ kahāñ kahāñ se guzrā

kabhī vo the mujh se barham kabhī mujh pe mehrbāñ the

ki 'figār' ishq merā kaḌe imtihāñ se guzrā

teri justuju mein dekha main kahan kahan se guzra

kabhi is zamin ko raunda kabhi aasman se guzra

tere gham mein do jahan se jo bacha liya hai daman

kabhi aisa bhi hua hai gham-e-do-jahan se guzra

mere naqsh-ha-e-ulfat ye bata rahe hain sab ko

main kahan kahan pe Thahra main kahan kahan se guzra

ye masajid-o-manadir mere kaam kuchh na aae

tere ishq mein jo guzra to main apni jaan se guzra

tu KHabir bhi hai kaamil tu alim bhi hai mutlaq

tere samne kahun kya main kahan kahan se guzra

kabhi wo the mujh se barham kabhi mujh pe mehrban the

ki 'figar' ishq mera kaDe imtihan se guzra