teri meri baat aksar jo KHamoshiyon mein ho gum

tirī merī baat aksar jo ḳhamoshiyoñ meñ ho gum

ye sukūt hai kahīñ par kabhī be-zabān ho tum

koī lā-zavāl rastoñ kī laḌī sī zindagī hai

koī rāsta mile hai koī rāsta jo ho gum

kyā kahūñ ki be-zabāñ huuñ pe khulī kitāb huuñ maiñ

mujhe paḌh sako to paḌh lo jo kabhī mujhe paḌho tum

ye akelī baat sīkhī hai hazāroñ mahfiloñ se

joñ akelī zindagī hai to akele hī raho tum

koī baat kyā kaheñge jo samajh sako samajh lo

mujhe baat kar na aa.ī vo jo sun sako suno tum

koī imtihāñ ḳhatm hai koī kaam phir shurūa hai

ye jo fursateñ haiñ pal bhar kahīñ un meñ hī jiyo tum

mirī zindagī kī bāteñ jo rahīn haiñ tumhārī

kyā gadāgarī hai merī kyā kushāda haath ho tum

teri meri baat aksar jo KHamoshiyon mein ho gum

ye sukut hai kahin par kabhi be-zaban ho tum

koi la-zawal raston ki laDi si zindagi hai

koi rasta mile hai koi rasta jo ho gum

kya kahun ki be-zaban hun pe khuli kitab hun main

mujhe paDh sako to paDh lo jo kabhi mujhe paDho tum

ye akeli baat sikhi hai hazaron mahfilon se

jon akeli zindagi hai to akele hi raho tum

koi baat kya kahenge jo samajh sako samajh lo

mujhe baat kar na aai wo jo sun sako suno tum

koi imtihan KHatm hai koi kaam phir shurua hai

ye jo fursaten hain pal bhar kahin un mein hi jiyo tum

meri zindagi ki baaten jo rahin hain tumhaari

kya gadagari hai meri kya kushada hath ho tum