teri nigah-e-talattuf ne faiz aam kiya
tirī nigāh-e-talattuf ne faiz aam kiyā
ḳhirad ke shahr ke sab vahshiyoñ kuuñ raam kiyā
agarche tīr-e-palak ne kiyā thā dil barmā
vale nigāh ke ḳhanjar ne ḳhuub kaam kiyā
tire salām ke dhaj dekh kar mire dil ne
shitāb aa ki mujhe ruḳhsatī salām kiyā
na jānūñ ishq kī bijlī kidhar siiñ aa.ī hai
ki mujh jigar ke khule kuuñ jalā tamām kiyā
usī ke haath meñ hai ḳhātam-e-sulaimānī
nagīn-e-dil pe jo naqsh us sanam kā naam kiyā
mujhe nigāh-e-taġhāful raqīb par altāf
adā-e-maslahat-āmez ne ġhulām kiyā
ai āftāb tirī zulmat-e-judā.ī meñ
'sirāj' āh-e-sahar kuuñ charāġh-e-shām kiyā
teri nigah-e-talattuf ne faiz aam kiya
KHirad ke shahr ke sab wahshiyon kun ram kiya
agarche tir-e-palak ne kiya tha dil barma
wale nigah ke KHanjar ne KHub kaam kiya
tere salam ke dhaj dekh kar mere dil ne
shitab aa ki mujhe ruKHsati salam kiya
na jaanun ishq ki bijli kidhar sin aai hai
ki mujh jigar ke khule kun jala tamam kiya
usi ke hath mein hai KHatam-e-sulaimani
nagin-e-dil pe jo naqsh us sanam ka nam kiya
mujhe nigah-e-taghaful raqib par altaf
ada-e-maslahat-amez ne ghulam kiya
ai aaftab teri zulmat-e-judai mein
'siraj' aah-e-sahar kun charagh-e-sham kiya
Source:
Kulliyat-e-Siraj (Pg. 296)
- Author: Siraj Aurangabadi
-
- Edition: 1982,1998
- Publisher: Qaumi Council Baraye-Farogh Urdu
- Year of Publication: 1982,1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
