teri tahaarat ko shaiKH kah tu kahan se laen ek aab-e-ju hum

tirī tahārat ko shaiḳh kah tū kahāñ se laa.eñ ik āb-e-jū ham

tavāf-e-dil kā hai qasd ham ko kareñ haiñ aañsū se nit vazū ham

ba-tañg aa.e haiñ zindagī se raheñge ḳhauf-e-fanā meñ kab tak

jo honī ho so shitāb hove khaḌe haiñ qātil ke rū-ba-rū ham

rakhe tū jab tak jahāñ meñ yā-rab tire karam se umiid ye hai

rahe na mutlaq talāsh-e-daulat kareñ na duniyā kī justujū ham

ḳhizāñ ne sab kī bahār kho dī rahā na sumbul bachī na raihāñ

guloñ ko dekhā hue pareshāñ chaman se nikle ba-rañg-e-bū ham

ġham-o-alam ne to kar rakhā hai hamāre chehre ko zard 'joshish'

lahū ke aañsū agar na ro.eñ na hoñ mohabbat meñ surḳh-rū ham

teri tahaarat ko shaiKH kah tu kahan se laen ek aab-e-ju hum

tawaf-e-dil ka hai qasd hum ko karen hain aansu se nit wazu hum

ba-tang aae hain zindagi se rahenge KHauf-e-fana mein kab tak

jo honi ho so shitab howe khaDe hain qatil ke ru-ba-ru hum

rakhe tu jab tak jahan mein ya-rab tere karam se umid ye hai

rahe na mutlaq talash-e-daulat karen na duniya ki justuju hum

KHizan ne sab ki bahaar kho di raha na sumbul bachi na raihan

gulon ko dekha hue pareshan chaman se nikle ba-rang-e-bu hum

gham-o-alam ne to kar rakha hai hamare chehre ko zard 'joshish'

lahu ke aansu agar na roen na hon mohabbat mein surKH-ru hum