teri talash mein nikla to rasta hua main

Bilal Ahmad

teri talash mein nikla to rasta hua main

Bilal Ahmad

MORE BYBilal Ahmad

    tirī talāsh meñ niklā to rāstā huā maiñ

    so tere paañv meñ huuñ raah dekhtā huā maiñ

    chaTaḳh rahā huuñ to ab is meñ kyā ta.ajjub hai

    ḳhud apne bojh tale rahā dabā huā maiñ

    kahīñ khiñchā rahā duniyā se misl-e-dast-e-faqīr

    misāl-e-dast-e-tamannā kahīñ baḌhā huā maiñ

    ajiib qaid thī jis meñ bahut ḳhushī thī mujhe

    ab ashk thamte nahīñ haiñ ye kyā rihā huā maiñ

    ye dekh ġhaur se pahchān apnī kārīgarī

    ki tere chaak se utrā thā kal banā huā maiñ

    bas ek choT lagī thī ki band TuuT gayā

    aur apnā-āp bahā le gayā thamā huā maiñ

    zamāne dekhte haiñ kitnī der chaltī hai

    bahut Datā huā hai bahut jamā huā maiñ

    teri talash mein nikla to rasta hua main

    so tere panw mein hun rah dekhta hua main

    chaTaKH raha hun to ab is mein kya tajjub hai

    KHud apne bojh tale hi raha daba hua main

    kahin khincha raha duniya se misl-e-dast-e-faqir

    misal-e-dast-e-tamanna kahin baDha hua main

    ajib qaid thi jis mein bahut KHushi thi mujhe

    ab ashk thamte nahin hain ye kya riha hua main

    ye dekh ghaur se pahchan apni karigari

    ki tere chaak se utra tha kal bana hua main

    bas ek choT lagi thi ki band TuT gaya

    aur apna-ap baha le gaya thama hua main

    zamane dekhte hain kitni der chalti hai

    bahut Data hua tu hai bahut jama hua main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY