teri talash teri justuju utarti hai

tirī talāsh tirī justujū utartī hai

mire shu.ūr ke kāġhaz pe tū utartī hai

sañvārne ke bajā.e sañvarne lagtā hai

jab aa.ine ke muqābil meñ tū utartī hai

tū mere naam se mansūb hai zamāne meñ

tū kuchh kare to mirī aabrū utartī hai

maiñ dil ke paak se ḳhāne meñ us ko rakhtā huuñ

tumhārī yaad bahut bā-vazū utartī hai

maiñ aisā rind-e-balā-nosh mai-kade kā tire

mire liye mai-e-jām-o-subū utartī hai

is liye maiñ miyāna-ravī kā qaa.el huuñ

zavāl se bhī bulandī kī lū utartī hai

tirī sifāt meñ tahlīl ho gayā huuñ maiñ

har ik adā meñ mirī terī ḳhū utartī hai

maiñ tañg-dast kahāñ tak libās pahnā.ūñ

barahna jism ka.ī aarzū utartī hai

ye niiñd jis ko zamāna sukūñ samajhtā hai

hamāre jism pe misl-e-adū utartī hai

ye shā.irī ke anāsir bhī qudratī haiñ janāb

ki fikr-o-fan kī tarañgoñ se bū utartī hai

teri talash teri justuju utarti hai

mere shuur ke kaghaz pe tu utarti hai

sanwarne ke bajae sanwarne lagta hai

jab aaine ke muqabil mein tu utarti hai

tu mere nam se mansub hai zamane mein

tu kuchh kare to meri aabru utarti hai

main dil ke pak se KHane mein us ko rakhta hun

tumhaari yaad bahut ba-wazu utarti hai

main aisa rind-e-bala-nosh mai-kade ka tere

mere liye mai-e-jam-o-subu utarti hai

is liye main miyana-rawi ka qael hun

zawal se bhi bulandi ki lu utarti hai

teri sifat mein tahlil ho gaya hun main

har ek ada mein meri teri KHu utarti hai

main tang-dast kahan tak libas pahnaun

barahna jism kai aarzu utarti hai

ye nind jis ko zamana sukun samajhta hai

hamare jism pe misl-e-adu utarti hai

ye shairi ke anasir bhi qudrati hain janab

ki fikr-o-fan ki tarangon se bu utarti hai