teri talab mein mujhe sharmsar hona tha

tirī talab meñ mujhe sharmsār honā thā

rahīn-e-minnat-e-lail-o-nahār honā thā

jo mubtalā-e-ġham-e-rozgār honā thā

to dil pe apne zarā iḳhtiyār honā thā

firāqe-e-gul meñ agar dil-figār honā thā

to har kalī ko mirā ġham-gusār honā thā

jo mujh ko vaqf-e-ġham-e-intizār honā thā

to ahd-o-fe.al kā kuchh e.atibār honā thā

tumheñ to jalva-fagan baar baar honā thā

ki is jahāñ ko zarā sāzgār honā thā

teri talab mein mujhe sharmsar hona tha

rahin-e-minnat-e-lail-o-nahaar hona tha

jo mubtala-e-gham-e-rozgar hona tha

to dil pe apne zara iKHtiyar hona tha

firaqe-e-gul mein agar dil-figar hona tha

to har kali ko mera gham-gusar hona tha

jo mujh ko waqf-e-gham-e-intizar hona tha

to ahd-o-feal ka kuchh eatibar hona tha

tumhein to jalwa-fagan bar bar hona tha

ki is jahan ko zara sazgar hona tha