teri talab mein yahan tak KHarab haal hua

tirī talab meñ yahāñ tak ḳharāb haal huā

ki maiñ jahān-e-mohabbat meñ ik misāl huā

mire qarīb se aksar vo is tarah guzrā

nigāh bhar ke use dekhnā muhāl huā

vo log jin kī rifāqat kabhī na raas aa.ī

hue jo duur to dil ko bahut malāl huā

mujhe ḳhabar hai ki vo peshtar na thā aisā

mirī vafā se jafā kā use ḳhayāl huā

dukhoñ se apnī tabī.at thī kis qadar bojhal

baras ga.iiñ ye ghaTā.eñ to jī bahāl huā

tavīl the jo vahī fāsle simaT se ga.e

mirā sharīk-e-safar jab tirā ḳhayāl huā

guzarne vāloñ ke qadmoñ se pā.emāl huā

maiñ ek naqsh-e-sar-e-rah-guzār thā 'ḳhāvar'

guzarne vāloñ ke qadmoñ se pā.emāl huā

teri talab mein yahan tak KHarab haal hua

ki main jahan-e-mohabbat mein ek misal hua

mere qarib se aksar wo is tarah guzra

nigah bhar ke use dekhna muhaal hua

wo log jin ki rifaqat kabhi na ras aai

hue jo dur to dil ko bahut malal hua

mujhe KHabar hai ki wo peshtar na tha aisa

meri wafa se jafa ka use KHayal hua

dukhon se apni tabiat thi kis qadar bojhal

baras gain ye ghaTaen to ji bahaal hua

tawil the jo wahi fasle simaT se gae

mera sharik-e-safar jab tera KHayal hua

guzarne walon ke qadmon se paemal hua

main ek naqsh-e-sar-e-rah-guzar tha 'KHawar'

guzarne walon ke qadmon se paemal hua