teri talKHi ko chakhun ya tere husn-e-maani ko

tirī talḳhī ko chakhūñ yā tire husn-e-ma.ānī ko

kitāb-e-zindagī kis ne likhā merī kahānī ko

to sar-tā-pā koī fitna bhī hai shahkār-e-fitrat bhī

magar maiñ zindagī ke naam kar aayā javānī ko

ye kirneñ phūTtī haiñ jo tire chāk-e-garebāñ se

unhī ke nuur se likkhā gayā merī kahānī ko

ye kab jaanā kisī ne ai mujassam raaz tū kyā hai

ki fitrat ne koī marmar tarāshā gul-fishānī ko

kahīñ zaḳhmī sadā.eñ haiñ kahīñ naġhme mohabbat ke

tū kis kī samt moḌā jaa.e ab ke zindagānī ko

teri talKHi ko chakhun ya tere husn-e-maani ko

kitab-e-zindagi kis ne likha meri kahani ko

to sar-ta-pa koi fitna bhi hai shahkar-e-fitrat bhi

magar main zindagi ke nam kar aaya jawani ko

ye kirnen phuTti hain jo tere chaak-e-gareban se

unhi ke nur se likkha gaya meri kahani ko

ye kab jaana kisi ne ai mujassam raaz tu kya hai

ki fitrat ne koi marmar tarasha gul-fishani ko

kahin zaKHmi sadaen hain kahin naghme mohabbat ke

tu kis ki samt moDa jae ab ke zindagani ko