teri taswir uThai hui hai

tirī tasvīr uThā.ī huī hai

raushnī ḳhvāb meñ aa.ī huī hai

maiñ ne is dasht ko chhānā huā hai

maiñ ne ye ḳhaak uḌaa.ī huī hai

dost haiñ saare zamāne vaale

maiñ ne dushman se banā.ī huī hai

tujh se ummīd vafāoñ kī mujhe

aag paanī meñ lagā.ī huī hai

raaz kī baat batā.ūñ maiñ tumheñ

baat ye maiñ ne uḌaa.ī huī hai

aaj sālis maiñ banā huuñ apnā

kal baḌī ḳhud se laḌā.ī huī hai

ishq meñ naam kamāyā huā hai

maiñ ne badnāmī kamā.ī huī hai

ye mirā apnā taḳhayyul hai 'zubair'

ye ġhazal sab ne uThā.ī huī hai

teri taswir uThai hui hai

raushni KHwab mein aai hui hai

main ne is dasht ko chhana hua hai

main ne ye KHak uDai hui hai

dost hain sare zamane wale

main ne dushman se banai hui hai

tujh se ummid wafaon ki mujhe

aag pani mein lagai hui hai

raaz ki baat bataun main tumhein

baat ye main ne uDai hui hai

aaj salis main bana hun apna

kal baDi KHud se laDai hui hai

ishq mein nam kamaya hua hai

main ne badnami kamai hui hai

ye mera apna taKHayyul hai 'zubair'

ye ghazal sab ne uThai hui hai