teri thaki hui aankhon mein KHwab tha ki nahin

tirī thakī huī āñkhoñ meñ ḳhvāb thā ki nahīñ

mire savāl kā koī javāb thā ki nahīñ

uThā ke sirf babūloñ ke ḳhaar le aa.e

chaman chaman kahīñ taaza gulāb thā ki nahīñ

baḌe sukūñ se rahe mom ke badan vaale

tumhārā shahr tah-e-āftāb thā ki nahīñ

har ek shaḳhs vahāñ gin rahā thā lahroñ ko

guzarte lamhoñ kā koī hisāb thā ki nahīñ

sarāb tishna-labī dhuup ābla-pā.ī

ḳhayāl pichhle safar kā 'azāb thā ki nahīñ

har ek samt udāsī kā rañg thā 'shāhid'

vo jalva-sāz kabhī be-hijāb thā ki nahīñ

teri thaki hui aankhon mein KHwab tha ki nahin

mere sawal ka koi jawab tha ki nahin

uTha ke sirf babulon ke KHar le aae

chaman chaman kahin taza gulab tha ki nahin

baDe sukun se rahe mom ke badan wale

tumhaara shahr tah-e-aftab tha ki nahin

har ek shaKHs wahan gin raha tha lahron ko

guzarte lamhon ka koi hisab tha ki nahin

sarab tishna-labi dhup aabla-pai

KHayal pichhle safar ka 'azab tha ki nahin

har ek samt udasi ka rang tha 'shahid'

wo jalwa-saz kabhi be-hijab tha ki nahin