teri tirchhi nazar ka tir hai mushkil se niklega

tirī tirchhī nazar kā tiir hai mushkil se niklegā

dil us ke saath niklegā agar ye dil se niklegā

shab-e-ġham meñ bhī merī saḳht-jānī ko na maut aa.ī

tirā kaam ai ajal ab ḳhanjar-e-qātil se niklegā

nigāh-e-shauq merā mudda.ā tū un ko samjhā de

mire muñh se to harf-e-ārzū mushkil se niklegā

kahāñ tak kuchh na kahiye ab to naubat jaan tak pahuñchī

takalluf-bar-taraf ai zabt naala dil se niklegā

tasavvur kyā tirā aayā qayāmat aa ga.ī dil meñ

ki ab har valvala bāhar mazār-e-dil se niklegā

na ā.eñge vo tab bhī dil nikal hī jā.egā 'fānī'

magar mushkil se niklegā baḌī mushkil se niklegā

teri tirchhi nazar ka tir hai mushkil se niklega

dil us ke sath niklega agar ye dil se niklega

shab-e-gham mein bhi meri saKHt-jaani ko na maut aai

tera kaam ai ajal ab KHanjar-e-qatil se niklega

nigah-e-shauq mera muddaa tu un ko samjha de

mere munh se to harf-e-arzu mushkil se niklega

kahan tak kuchh na kahiye ab to naubat jaan tak pahunchi

takalluf-bar-taraf ai zabt nala dil se niklega

tasawwur kya tera aaya qayamat aa gai dil mein

ki ab har walwala bahar mazar-e-dil se niklega

na aaenge wo tab bhi dil nikal hi jaega 'fani'

magar mushkil se niklega baDi mushkil se niklega