teri umidon ka sath degi inayat-e-barg-o-bar kab tak

tirī umīdoñ kā saath degī ināyat-e-barg-o-bār kab tak

bahār hai mehrbān tujh par magar rahegī bahār kab tak

jalā.ī tū ne agar na mash.al koī charāġh aur DhūñD leñge

jinheñ zarūrat hai raushnī kī kareñge vo intizār kab tak

ḳhayāl-e-tausī.a o rif.at-e-bām-o-dar kī ḳhvāhish bajā hai lekin

makān kā bojh sah sakegī binā-e-nā-pā.edār kab tak

tujhe gumāñ hai ki ḳhvāb tere shikast se māvarā haiñ shāyad

tujhe bachā.egā sañg-bārī se ā.inoñ kā hisār kab tak

kabhī to gulzār bārishoñ se chaman kā māhaul saaf hogā

fazā meñ phailā.egā kudūrat havā se uḌtā ġhubār kab tak

teri umidon ka sath degi inayat-e-barg-o-bar kab tak

bahaar hai mehrban tujh par magar rahegi bahaar kab tak

jalai tu ne agar na mashal koi charagh aur DhunD lenge

jinhen zarurat hai raushni ki karenge wo intizar kab tak

KHayal-e-tausia o rifat-e-baam-o-dar ki KHwahish baja hai lekin

makan ka bojh sah sakegi bina-e-na-paedar kab tak

tujhe guman hai ki KHwab tere shikast se mawara hain shayad

tujhe bachaega sang-bari se aainon ka hisar kab tak

kabhi to gulzar barishon se chaman ka mahaul saf hoga

faza mein phailaega kudurat hawa se uDta ghubar kab tak