to main bhi KHush hun koi us se ja ke kah dena

to maiñ bhī ḳhush huuñ koī us se jā ke kah denā

agar vo ḳhush hai mujhe be-qarār karte hue

tumheñ ḳhabar hī nahīñ hai ki koī TuuT gayā

mohabbatoñ ko bahut pā.edār karte hue

maiñ muskurātā huā aa.ine meñ ubharūñgā

vo ro paḌegī achānak siñghār karte hue

mujhe ḳhabar thī ki ab lauT kar na ā.ūñgā

so tujh ko yaad kiyā dil pe vaar karte hue

ye kah rahī thī samundar nahīñ ye āñkheñ haiñ

maiñ in meñ Duub gayā e'tibār karte hue

bhañvar jo mujh meñ paḌe haiñ vo maiñ hī jāntā huuñ

tumhāre hijr ke dariyā ko paar karte hue

to main bhi KHush hun koi us se ja ke kah dena

agar wo KHush hai mujhe be-qarar karte hue

tumhein KHabar hi nahin hai ki koi TuT gaya

mohabbaton ko bahut paedar karte hue

main muskuraata hua aaine mein ubharunga

wo ro paDegi achanak singhaar karte hue

mujhe KHabar thi ki ab lauT kar na aaunga

so tujh ko yaad kiya dil pe war karte hue

ye kah rahi thi samundar nahin ye aankhen hain

main in mein Dub gaya e'tibar karte hue

bhanwar jo mujh mein paDe hain wo main hi jaanta hun

tumhaare hijr ke dariya ko par karte hue