toD deti hain beDiyan aksar

toḌ detī haiñ beḌiyāñ aksar

qaid meñ rah ke beTiyāñ aksar

chiir detī haiñ dil ke dāman ko

tañg zehnoñ kī barchhiyāñ aksar

ḳhvāb āñkhoñ meñ chhoḌ kar aadhe

jaag jaatī haiñ laḌkiyāñ aksar

zahr rishtoñ meñ ghol detī haiñ

saḳht lahje kī talḳhiyāñ aksar

naam parchī pe us kā likh likh ke

dil lagātā hai arziyāñ aksar

jab bhī sochūñ maiñ us ke baare meñ

yaad aatī haiñ ḳhūbiyāñ aksar

zindagī auratoñ ko detī haiñ

ghar kī chhoTī sī khiḌkiyāñ aksar

dil meñ chubhtī haiñ aaj bhī mere

TuuTe rishtoñ kī kirchiyāñ aksar

toD deti hain beDiyan aksar

qaid mein rah ke beTiyan aksar

chir deti hain dil ke daman ko

tang zehnon ki barchhiyan aksar

KHwab aankhon mein chhoD kar aadhe

jag jati hain laDkiyan aksar

zahr rishton mein ghol deti hain

saKHt lahje ki talKHiyan aksar

nam parchi pe us ka likh likh ke

dil lagata hai arziyan aksar

jab bhi sochun main us ke bare mein

yaad aati hain KHubiyan aksar

zindagi auraton ko deti hain

ghar ki chhoTi si khiDkiyan aksar

dil mein chubhti hain aaj bhi mere

TuTe rishton ki kirchiyan aksar