tujh bin sarishk-e-KHun ka hai aankhon se tughiyan is qadar

tujh bin sarishk-e-ḳhūñ kā hai āñkhoñ se tuġhiyāñ is qadar

barsā nahīñ ab tak kahīñ abr-e-bahārāñ is qadar

gulshan meñ gar dekheñ mujhe huiiñ sumbul o nargis ḳhajil

dil hai pareshāñ is qadar āñkheñ haiñ hairāñ is qadar

rakhtā hai tū jis jā qadam hotā hai lohū kā nishāñ

pāmāl kartā hai koī ḳhūn-e-shahīdāñ is qadar

DhūñDhe jo tū dāman talak paave na sābit tū use

maiñ chaak phirtā huuñ kiye nāseh garebāñ is qadar

'bedār' ko dikhlā ke tū ne qatl auroñ ko kiyā

kartā hai ai zālim koī zulm-e-numāyāñ is qadar

tujh bin sarishk-e-KHun ka hai aankhon se tughiyan is qadar

barsa nahin ab tak kahin abr-e-bahaaran is qadar

gulshan mein gar dekhen mujhe huin sumbul o nargis KHajil

dil hai pareshan is qadar aankhen hain hairan is qadar

rakhta hai tu jis ja qadam hota hai lohu ka nishan

pamal karta hai koi KHun-e-shahidan is qadar

DhunDhe jo tu daman talak pawe na sabit tu use

main chaak phirta hun kiye naseh gareban is qadar

'bedar' ko dikhla ke tu ne qatl auron ko kiya

karta hai ai zalim koi zulm-e-numayan is qadar