tujhko aana paDa yahin to phir

tujh ko aanā paḌā yahīñ to phir

na milā ham sā gar hasīñ to phir

kaun terā ḳhayāl rakkhegā

ba.ad mere huā hazīñ to phir

jis pe tujh ko ġhurūr hai vo dil

kho gayā gar yahīñ kahīñ to phir

aa nahīñ saktā koī tujh ko yaad

TuuT jaa.e tirā yaqīñ to phir

dil kushāda-dilī pe nāzāñ hai

na huā vo agar makīñ to phir

sochtī huuñ ki kis liye maiñ bhī

jab ye tai hai ki tū nahīñ to phir

tujh ko aana paDa yahin to phir

na mila hum sa gar hasin to phir

kaun tera KHayal rakkhega

baad mere hua hazin to phir

jis pe tujh ko ghurur hai wo dil

kho gaya gar yahin kahin to phir

aa nahin sakta koi tujh ko yaad

TuT jae tera yaqin to phir

dil kushada-dili pe nazan hai

na hua wo agar makin to phir

sochti hun ki kis liye main bhi

jab ye tai hai ki tu nahin to phir