tujhko bura lagega magar sach yahi hai dost

tujh ko burā lagegā magar sach yahī hai dost

duniyā tire baġhair bhī achchhī lagī hai dost

maiñ jis jagah nahīñ thā vahāñ bhī milā tujhe

ḳhud ko zarā sañbhāl ye dīvāngī hai dost

kar ke purānī baat koī fā.eda nahīñ

ma.alūm hai mujhe tirī duniyā na.ī hai dost

le ab tirī galī ko rah-e-ām kar diyā

vo dostī thī aur ye mirī dushmanī hai dost

bojhal hai terī aañkh tujhe sonā chāhiye

chhoTī hai raat merī kahānī baḌī hai dost

'kāshif' ġhazal se lafz-e-ḳhasāra nikāl de

ye koī kārobār nahīñ shā.erī hai dost

tujh ko bura lagega magar sach yahi hai dost

duniya tere baghair bhi achchhi lagi hai dost

main jis jagah nahin tha wahan bhi mila tujhe

KHud ko zara sanbhaal ye diwangi hai dost

kar ke purani baat koi faeda nahin

malum hai mujhe teri duniya nai hai dost

le ab teri gali ko rah-e-am kar diya

wo dosti thi aur ye meri dushmani hai dost

bojhal hai teri aankh tujhe sona chahiye

chhoTi hai raat meri kahani baDi hai dost

'kashif' ghazal se lafz-e-KHasara nikal de

ye koi karobar nahin shaeri hai dost