tujhko dekha to ye laga hai mujhe

tujh ko dekhā to ye lagā hai mujhe

ishq sadiyoñ se jāntā hai mujhe

āshnā saḌkeñ ajnabī chehre

shahr meñ aur kyā dikhā hai mujhe

log qīmat mirī lagāte haiñ

kis jagah tū ne rakh diyā hai mujhe

sub.h ruḳhsat kare makāñ merā

shaam ko ḳhud hī DhūñDhtā hai mujhe

rat-jago tum hī kuchh batāo ab

ishq to hai hī aur kyā hai mujhe

maiñ bhī kyā dūsroñ ke jaisā huuñ

ḳhud ko bāhar se dekhnā hai mujhe

baat sach hai magar kahūñ kaise

tishnagī ne Dubo diyā hai mujhe

mauj-dar-mauj miT rahā huuñ maiñ

kaun sāhil pe likh gayā hai mujhe

kis liye roz jaag jaatā huuñ

kaun hai jis kā Dar lagā hai mujhe

tujh ko dekha to ye laga hai mujhe

ishq sadiyon se jaanta hai mujhe

aashna saDken ajnabi chehre

shahr mein aur kya dikha hai mujhe

log qimat meri lagate hain

kis jagah tu ne rakh diya hai mujhe

subh ruKHsat kare makan mera

sham ko KHud hi DhunDhta hai mujhe

rat-jago tum hi kuchh batao ab

ishq to hai hi aur kya hai mujhe

main bhi kya dusron ke jaisa hun

KHud ko bahar se dekhna hai mujhe

baat sach hai magar kahun kaise

tishnagi ne Dubo diya hai mujhe

mauj-dar-mauj miT raha hun main

kaun sahil pe likh gaya hai mujhe

kis liye roz jag jata hun

kaun hai jis ka Dar laga hai mujhe