tujhko to malum tha mere yar udasi hai

tujh ko to ma.alūm thā mere yaar udāsī hai

tujh se hī to ham kahte the yaar udāsī hai

tere hissa meñ avval ḳhushiyāñ hoñgī shāyad

par mere hissa meñ pahle yaar udāsī hai

mere paas nahīñ hai koī tere paas huuñ maiñ

phir terī āñkhoñ meñ kaise yaar udāsī hai

ḳhud ko hañstā jab bhī dekhūñ ro detā huuñ maiñ

chhā.ī is darje kī mujh pe yaar udāsī hai

jis ko gumāñ ho mere yuuñ be-bāt hī hañsne pe

vo merī āñkhoñ meñ dekhe yaar udāsī hai

jo sāvan hote sūkhā us phuul pe la.anat ho

mujh pe la.anat tere hote yaar udāsī hai

tujh ko hañstā dekh ke hī to zinda haiñ sab log

tujh se koī kaise kah de yaar udāsī hai

isī udāsī ne ḳhush-nazarī kī dī hai sauġhāt

dekho to kahne ko vaise yaar udāsī hai

tujh ko to malum tha mere yar udasi hai

tujh se hi to hum kahte the yar udasi hai

tere hissa mein awwal KHushiyan hongi shayad

par mere hissa mein pahle yar udasi hai

mere pas nahin hai koi tere pas hun main

phir teri aankhon mein kaise yar udasi hai

KHud ko hansta jab bhi dekhun ro deta hun main

chhai is darje ki mujh pe yar udasi hai

jis ko guman ho mere yun be-baat hi hansne pe

wo meri aankhon mein dekhe yar udasi hai

jo sawan hote sukha us phul pe lanat ho

mujh pe lanat tere hote yar udasi hai

tujh ko hansta dekh ke hi to zinda hain sab log

tujh se koi kaise kah de yar udasi hai

isi udasi ne KHush-nazari ki di hai saughat

dekho to kahne ko waise yar udasi hai