tujh mein KHu-e-wafa nahin baqi

tujh meñ ḳhū-e-vafā nahīñ baaqī

lab pe harf-e-du'ā nahīñ baaqī

kyā ḳhitābat meñ sho'lagī aa.e

'ishq do-ātisha nahīñ baaqī

zulm Dhāne se ho gayā taa.ib

us meñ bū-e-jafā nahīñ baaqī

phir vo mahbūb kaise kahlā.e

jis meñ nāz-o-adā nahīñ baaqī

pher lī maiñ ne jab nazar tujh se

ab tirā aa.ina nahīñ baaqī

tīrgī is qadar mire maulā

ab to saaya mirā nahīñ baaqī

zard rut kā 'azāb to dekho

ik shajar bhī harā nahīñ baaqī

muntazir hashr kī hai 'tamsīla'

koī rab ke sivā nahīñ baaqī

tujh mein KHu-e-wafa nahin baqi

lab pe harf-e-du'a nahin baqi

kya KHitabat mein sho'lagi aae

'ishq do-atisha nahin baqi

zulm Dhane se ho gaya taib

us mein bu-e-jafa nahin baqi

phir wo mahbub kaise kahlae

jis mein naz-o-ada nahin baqi

pher li main ne jab nazar tujh se

ab tera aaina nahin baqi

tirgi is qadar mere maula

ab to saya mera nahin baqi

zard rut ka 'azab to dekho

ek shajar bhi hara nahin baqi

muntazir hashr ki hai 'tamsila'

koi rab ke siwa nahin baqi