tujh par fida hain sare husn-o-jamal wale

tujh par fidā haiñ saare husn-o-jamāl vaale

kyā saaf gaal vaale kyā ḳhatt-o-ḳhāl vaale

mujh rañg-zard uupar ġhusse señ laal mat ho

ai sabz shaal vaale uude rumāl vaale

tahqīq kī nazar señ āḳhir kuuñ ham ne dekhā

aksar haiñ maal vaale kam haiñ kamāl vaale

saaya kuuñ sarv-qad ke DhūñDe pa kahīñ na paa.e

aalam ke faal vaale aur kyā nihāl vaale

gar harf mere ġham kā lā.ūñ zabāñ ke uupar

ho jaa.eñ qaal vaale yak-dam meñ haal vaale

mauzūñ nahīñ kiye haiñ tujh qad sā ek misra

jal ga.e ḳhayāl vaale mar ga.e misāl vaale

gar shab kuuñ sair karne nikle 'sirāj' mah-rū

jāh-o-jalāl vaale hoeñ misāl vaale

tujh par fida hain sare husn-o-jamal wale

kya saf gal wale kya KHatt-o-KHal wale

mujh rang-zard upar ghusse sen lal mat ho

ai sabz shaal wale ude rumal wale

tahqiq ki nazar sen aaKHir kun hum ne dekha

aksar hain mal wale kam hain kamal wale

saya kun sarw-qad ke DhunDe pa kahin na pae

aalam ke fal wale aur kya nihaal wale

gar harf mere gham ka laun zaban ke upar

ho jaen qal wale yak-dam mein haal wale

mauzun nahin kiye hain tujh qad sa ek misra

jal gae KHayal wale mar gae misal wale

gar shab kun sair karne nikle 'siraj' mah-ru

jah-o-jalal wale hoen misal wale